Республика аграрийҙары 81 мең тоннанан ашыу игенде экспортҡа һатҡан

2017 йылдың сентябренән Башҡортостан аграрийҙары 81 мең тоннанан ашыу игенде экспортҡа һатҡан, тип хәбәр иттеләр Башҡортостандың Ауыл хужалығы министрлығынан. Быйыл төп экспорт культуралары – бойҙай, арпа һәм ҡарабойҙай, улар Латвия, Литва, Беларуссия, Бельгия, Мысыр, Иран һәм Израиль илдәренә оҙатылған.

Әле төбәктә ашлыҡты ташыу буйынса алты оператор эшләй: «Русагротранс», «Балтсервис», «Белинтертранс», «Логистика 1520», «МосРегионТранс» һәм «Технотранс».

Уҙған көҙҙән алып бөтәһе 101,2 мең тонна яңы уңыш һатылған.